კვირეულის ფარგლებში ---- ფაქტები, რომლებიც უნდა ვიცოდეთ

 

 პედაგოგი: ნინო გიგოლაშვილი /ბიოლოგია/
9 კლასის მოსწავლეები

20- 27 აპრილის ჩათვლით ჩატარდა საბუნებისმეტყველო მეცნიერებების საგნების კვირეული

24 აპრილი, 20153396

2015-2016 წლისთვის სახელმწიფოს მიერ დაფინანსებული საგანმანათლებლო მიმართულებები უკვე ცნობილია

2015-2016 სასწავლო წლისთვის განათლებისა და მეცნიერების სამინისტროს მიერ დასაფინანსებელი მიმართულებების სია უკვე ცნობილია. როგორც განათლებისა და მეცნიერების მინისტრმა თამარ სანიკიძემAris.ge-განათლებას განუცხადა,  წელს პროგრამულად დაფინანსებულ უნივერსიტეტებს სამცხე- ჯავახეთის სახელმწიფო უნივერსიტეტიც დაემატა.

მინისტრის განმარტებით, აღნიშნულ უმაღლეს სასწავლებელში უფასო მიმართულებებისთვის 360 ადგილი გამოიყო. შესაბამისი ცვლილება და სახელმწიფო სასწავლო გრანტის წლიური მოცულობების ოდენობა და პროგრამული დაფინანსების მოცულობა მინისტრთა კაბინეტმა დღეს განიხილა.

წელს სულ გამოყოფილია 5653 ადგილი.

სახელმწიფოს მხრიდან პროგრამულ დაფინანსებას შემდეგი უნივერსიტეტები მიიღებენ:

– ივანე ჯავახიშვილის სახელობის თბილისის სახელმწიფო უნივერსიტეტი;

– საქართველოს ტექნიკური უნივერსიტეტი;

– ილიას სახელმწიფო უნივერსიტეტი;

– აკაკი წერეთლის სახელმწიფო უნივერსიტეტი;

– ბათუმის შოთა რუსთაველის სახელმწიფო უნივერსიტეტი;

– სოხუმის სახელმწიფო უნივერსიტეტი;

– იაკობ გოგებაშვილის სახელობის თელავის სახელმწიფო უნივერსიტეტი.

-სამცხე- ჯავახეთის სახელმწიფო უნივერსიტეტი

,,მთავრობის სხდომაზე ნორმატიული ბრძანება დავამტკიცებთ. 500 ადგილით  გაზრდილია რაოდენობა უფასო მიმართულებებზე.  ეს ადგილები ძირითადად რეგიონულ უნივერსიტეტებზე გადანაწილდა. რაც ვფიქრობ, ძალიან მნიშვნმელოვანია განათლების ხელმისაწვდომობის კუთხით.

კვლავ ძალაში რჩება  სახელმწიფოს მხრიდან პრიორიტეტული   21 მიმართულება.  ძალაში რჩება გრანტის ოდენობა და მოცულობა,”- განუცხადა Aris.ge-განათლებას თამარ სანიკიძემ.

პრიორტეტული მიმართულებების ჩამონათვალი კი ასე გამოიყურება:

1. აგრარული მეცნიერებანი:

– აგრონომია
– ვეტერინარია
– მეცხოველეობა
– სასურსათო ტექნოლოგია
– სატყეო საქმე

2. განათლება:

– განათლების მეცნიერებები
– მასწავლებლის განათლება

3. ინჟინერია:

– საინჟინრო ფიზიკა
– ენერგეტიკა და ელექტროინჟინერია
– მშენებლობა
– აგროინჟინერია

4. მეცნიერება/საბუნებისმეტყველო მეცნიერებანი:

– მათემატიკა
– ფიზიკა
– ქიმია
– ბიოლოგია/სიცოცხლის შემსწავლელი მეცნიერებანი/გამოყენებითი ბიომეცნიერებები

5. სოციალური მეცნიერებები:

– ეკონომიკა

6. ჰუმანიტარული მეცნიერებანი:

– ისტორია
– ფილოლოგია
– ფილოსოფია

7. მიმართულებათაშორისი დარგები ან სპეციალობები:

– არქიტექტურა
– არქეოლოგია

რაც შეეხება აღნიშნულ მიმართულებებზე წელს დარეგისტრირებულ ადგილთა რაოდენობას, აღნიშნულ მონაცემებს განათლებისა და მეცნიერების სამინისტრო სავარაუდოდ, მოგვიანებით გამოაქვეყნებს.

ეკა არის© წივწივაძე

მადლის ქვა - ერთხელ მამა დავით გარეჯელი იერუსალიმის მოსალოცად წასულა, მაგრამ შიგნით შესვლა თავისი სიმდაბლის გამო ვერ გაუბედავს. იმ ადგილზე, სადაც უფალმა იესო ქრისტემ ილოცა, წმიდანმა ლოცვა აღავლინა და სამახსოვროდ სამი ქვა წამოიღო. ამ დროს იერუსალიმის პატრიარქს ხილვა ჰქონდა და ეუწყა, რომ საქართველოდან ჩამოსულ ერთ-ერთ ბერს იერუსალიმის მთელი მადლი ქვების სახით გაჰქონდა. მას ეუწყა ისიც, რომ ბერს ორი ქვა უკან უნდა დაებრუნებინა, რათა იერუსალიმი მადლისაგან არ დაცლილიყო და მხოლოდ ერთი ქვის წაღების უფლება მიეცათ. პატრიარქმა მდევარი დაადევნა მამა დავითს და ორი ქვა უკან დააბრუნებინეს. იმ ქვას კი, რომელიც წმიდანმა გარეჯში ჩამოიტანა, მადლის ქვა ჰქვია. ამიტომ არის გარეჯის სამჯერ მოლოცვა იერუსალიმის ერთხელ მოლოცვის ტოლფასი.

2015-2016 სასწავლო წლისათვის პირველკლასელთა რეგისტრაცია იწყება

04/22/2015

საქართველოს განათლებისა და მეცნიერების სამინისტრო აცხადებს პირველკლასელთა რეგისტრაციას 2015-2016 სასწავლო წლისათვის.  

რეგისტრაცია განხორციელდება 3 ეტაპად:

I ეტაპი:  2015 წელი, 23 აპრილი - 4 მაისი

რეგისტრაცია განხორციელდება სკოლაში. რეგისტრირდებიან ის მოსწავლეები:

• რომლის და-ძმაც სწავლობს ამ სკოლაში;
• რომლის მშობელიც სკოლის თანამშრომელია;
• რომლის ოჯახიდანაც ერთდროულად ორი ან მეტი ბავშვი შედის პირველ კლასში;

I ეტაპზე ზოგადსაგანმანათლებლო დაწესებულებებში მოსწავლის ჩასარიცხად აუცილებელი დოკუმენტების მიღება განხორციელდება სკოლაში, 2015 წლის 5 მაისიდან 13 მაისის ჩათვლით. 

II ეტაპი - საყოველთაო ელექტრონული რეგისტრაცია

2015 წელი, 15 მაისი - 9 ივნისი

რეგისტრაცია განხორციელდება განათლების მართვის საინფორმაციო სისტემის ვებგვერდზე.  

ზოგადსაგანმანათლებლო დაწესებულებებში II ეტაპზე რეგისტრირებული მოსწავლის ჩასარიცხად აუცილებელი დოკუმენტების მიღება განხორციელდება  2015 წლის 11 ივნისიდან  21 ივნისის  ჩათვლით.

I და II ეტაპზე  მოსწავლის ჩასარიცხად აუცილებელი დოკუმენტების  განსაზღვრულ ვადებში წარუდგენლობის შემთხვევაში, რეგისტრაცია ავტომატურად უქმდება.

III ეტაპი: 2015 წელი, 22 ივნისი - 11 ივლისი

რეგისტრაცია განხორციელდება სკოლაში, II ეტაპის დასრულების შემდგომ გამოთავისუფლებულ ვაკანტურ ადგილებზე, მოსწავლის ჩასარიცხად აუცილებელი დოკუმენტაციის წარდგენის  საფუძველზე.   

2015-2016  სასწავლო წელს, ზოგადი განათლების დაწყებით საფეხურზე სწავლის დაწყების უფლება აქვთ იმ მოსწავლეებს, რომელთა ასაკი შეესაბამება კანონით განსაზღვრულ მოთხოვნებს.

გამოცდები 2015 - განრიგი

გთავაზობთ 2015 წლის გამოცდების ჩატარების განრიგს:

2015 წლის ერთიანი ეროვნული გამოცდების ჩატარების  განრიგი:

2-3 ივლისი (პირველი სესია 8:00 სთ., მეორე სესია 14:00 სთ.) - ქართული ენა და ლიტერატურა;

6-7 ივლისი (პირველი სესია 8:00 სთ., მეორე სესია 14:00 სთ.) - ზოგადი უნარები;

8 ივლისი (პირველი სესია 8:00 სთ., მეორე სესია 14:00 სთ.) - ინგლისური ენა;

9 ივლისი (პირველი სესია 8:00 სთ.) - ინგლისური ენა;

9 ივლისი (პირველი სესია 8:00 სთ.) - გერმანული ენა;

10 ივლისი (პირველი სესია 8:00 სთ.) - რუსული ენა;

10 ივლისი (პირველი სესია 8:00 სთ.) - ფრანგული ენა;

13 ივლისი (პირველი სესია 8:00 სთ., მეორე სესია 14:00 სთ.) - გეოგრაფია;

14 ივლისი (პირველი სესია 8:00 სთ., მეორე სესია 14:00 სთ.) - ისტორია;

15 ივლისი (პირველი სესია 8:00 სთ., მეორე სესია 15:00 სთ.) - მათემატიკა;

16 ივლისი (პირველი სესია 8:00 სთ.) - ფიზიკა;

17 ივლისი (პირველი სესია 8:00 სთ.) - ლიტერატურა;

20 ივლისი (პირველი სესია 8:00 სთ) - სამოქალაქო განათლება.

21 ივლისი (პირველი სესია 8:00 სთ.) - ბიოლოგია;

21 ივლისი (პირველი სესია 8:00 სთ.) - სახვითი და გამოყენებითი ხელოვნება;

22 ივლისი (პირველი სესია 8:00 სთ.) - ქიმია;

2015 წლის საერთო სამაგისტრო გამოცდის ჩატარების განრიგი:

9 ივლისი (მეორე სესია 14:00 სთ.) - წაკითხულის გააზრება, ანალიტიკური წერა (ტესტის ტიპი: A, C);

10 ივლისი (მეორე სესია 14:00 სთ.) - ლოგიკური მსჯელობა, რაოდენობრივი მსჯელობა (ტესტის ტიპი: A, C);

16 ივლისი (მეორე სესია 15:00 სთ.) - წაკითხულის გააზრება, ანალიტიკური წერა (ტესტის ტიპი - B);

17 ივლისი (მეორე სესია 15:00 სთ.) - ლოგიკური მსჯელობა, რაოდენობრივი მსჯელობა (ტესტის ტიპი - B).

2015 წლის სტუდენტთა საგრანტო კონკურსის ჩატარების განრიგი:

20 ივლისი (მეორე სესია 15:00 სთ.) - სტუდენტთა საგრანტო კონკურსი;

დედამიწის დღე ერთ-ერთი მასშტაბური გარემოსდაცვითი ღონისძიებაა, რომელსაც ყოველწლიურად 192 ქვეყანაში აღნიშნავენ. სანტა ბარბარას საბადოდან ნავთობის დაღვრას შედეგად ოკეანის დაბინძურება და წყლის ბინადართა განადგურება მოჰყვა. 1970 წელს ამერიკელი გარემოსდამცველი სენატორის, გეილორდ ნელსონის მოწოდებას, დაეცვათ დედამიწა, 20 მილიონი ადამიანი შეურთდა. მას შემდეგ, დედამიწის დღე ყოველწლიურად 22 აპრილს აღინიშნება.

ექვსი ნაბიჯი საჯარო გამოსვლის შიშის დასაძლევად

1. თვალი გაუსწორეთ საკუთარ შიშებს

პირველ რიგში გააცნობიერეთ, რა არის მისი წყარო. ეს არ არის თქვენი პრეზენტაციის ან სიტყვის არცოდნის შიში, არამედ იმის შიში, თუ რა მოხდება, როცა აუდიტორიის წინაშე წარსდგებით. თქვენ გეშინიათ შეცდომის დაშვების, გაკრიტიკების, სულიერი ან ფიზიკური ტკივილის მოყენების.  მაგრამ, განა არის ის რეალური? თუ უბრალოდ წარმოსახვითია? გახსოვდეთ, რომ შესაძლოა სულ ტყუილად გეკვეთებათ მუხლები. თქვენი შიში უბრალოდ არასწორი მოლოდინია, რომელიც რეალური გგონიათ და დიდი ალბათობით, შესაძლოა არც მოხდეს. იფიქრეთ იმაზე თუ როგორ შეიძლება შიშმა და ნერვიულობამ ჩაგიშალოთ პრეზენტაცია.

2. მოემზადეთ

დარწმუნდით, რომ კარგად იცით მასალა, რომლის წარდგენასაც აპირებთ. თუ ეს თემა თქვენთვის უცნობია, ეს მხოლოდ გაზრდის სტრესს და ავნებს თქვენს გამოსვლას. შეადგინეთ დეტალიზებული მონახაზი, დაყავით ძირითად თეზისებად და დაიმახსოვრეთ.

3. ივარჯიშეთ სიტყვით გამოსვლისათვის საჭირო მანერების დასახვეწად

ივარჯიშეთ სარკის წინ. ან კიდევ უკეთესი იქნება, თუ ჩაიწერთ თქვენს საუბარს და შემდეგ უყურებთ ან მოუსმენთ მას, რათა გააუმჯობესოთ გადმოცემის უნარი. სთხოვეთ ნაცნობ კარგ მოსაუბრეებს და პრეზენტატორებს, მოგისმინონ და მოგცენ რჩევები.

4. იმუშავეთ აუდიტორიასთან და გახსოვდეთ, რომ ისინი ვერ შენიშნავენ თქვენს ნერვიულობას, თუ შესაბამისად მოიქცევით

თუ იფიქრებთ, რომ დამსწრეები შეამჩნევენ თქვენს სწრაფ გულისცემას, პეპლებს მუცელში და ნერვიულობის სიმხურვალეს საფეთქლებთან, ეს კიდევ უფრო მეტად აგანერვიულებთ და შინაგანი სტრესი გარეგნულადაც შეგეტყობათ. ამიტომ, თავი ასწიეთ, მხრებში გაიმართეთ და გაიღიმეთ, თუნდაც, სულაც არ იყოთ ბედნიერი. ასე თქვენ თავდაჯერებულად გამოიყურებით: სხეული „მოატყუებს“  გონებას და აფიქრებინებს, რომ თავს შესანიშნავად გრძნობთ, რაც სულ მალე სიმართლედ იქცევა.

5. მოდუნდით

ღრმად ისუნთქეთ. სუნთქვის ვარჯიშები აუცილებელია სიტყვით გამოსვლამდე. ეს თქვენს სხეულსა და გონებას დასვენების საშუალებას აძლევს. დახუჭეთ თვალები,მოუსმინეთ საკუთარ მშვიდ სუნთქვას და უთხარით თქვენს თავს, რომ არსად გეჩქარებათ. ეს დაგამშვიდებთ და თავდაჯერებულობას შეგმატებთ.

6. ნუ იფიქრებთ ზედმეტად ბევრს აუდიტორიის რეაქციაზე

მთქნარება, მოწყენილი ან უკმაყოფილო გამომეტყველება ყოველთვის იქნება აუდიტორიაში. დიდი შანსია, რომ ზოგი ადამიანი დაღლილია ან სულაც არ აინტერესებს პრეზენტაციის თემა. ნუ მისცემთ თავს უფლებას, ეს ყოველივე თქვენს გამოსვლაზე უარყოფითად აისახოს.

ბოლოს კი  რჩევები როგორ უნდა მოიქცეთ უშუალოდ პრეზენტაციის დროს

• მხოლოდ თქვენ იცით, რა უნდა თქვათ და გააკეთოთ, ამიტომ, არ არის აუცილებელი სიტყვა-სიტყვით მოყვეთ ყველაფერი, რაც წინასწარ გაქვთ დაწერილი. შეგიძლიათ რამე შეცვალოთ კიდეც.
• გახსოვდეთ, რომ გარეგნულად არ გეტყობათ ნერვიულობა ისე ძალიან, როგორც ამას თავად გრძნობთ.
• წარმოიდგინეთ, რომ აუდიტორია თქვენი ახლობლებისგან შედგება, ანუ იმ ადამიანებისგან, რომლებიც პატივს გცემენ და არ განგსჯიან, თუ შეცდომას დაუშვებთ. ან სულაც, წარმოიდგინეთ, რომ არავინ გიყურებთ და თქვენს ოთახში ვარჯიშობთ.
• პრეზენტაციის დროს გამოიყენეთ დაბალი განათება,თუ ამის საშუალება გექნებათ.  ამ ხერხის უპირატესობა ისაა, რომ ძირითადი ყურადღება სლაიდებზე გადავა თქვენ კი სტრესისგან გაგათავისუფლებთ. ეს მეთოდი საჯარო გამოსვლის შიშს არ განკურნავს, თუმცა, ნერვიულობას ნამდვილად აგაცილებთ თავიდან.

წყარო: www.wikihow.com

18 აპრილი, 20153307

„საატესტატო და ეროვნული გამოცდების ოპტიმიზაცია 2017 წლისთვის უკვე გაკეთებადი იქნება“

შესაძლებელია, რომ მოსწავლემ ჩააბაროს გამოცდები სკოლის დონეზე და ამ გამოცდების შედეგებით წავიდეს უმაღლეს სასწავლებელში.

ამის შესახებ განათლებისა და მეცნიერების მინისტრმა „საზოგადოებრივი მაუწყებლის“ მე-2 არხზე სტუმრობისას, საატესტატო და ერთიანი ეროვნული გამოცდების ოპტიმიზაციის თაობაზე, მაყურებლის კითხვის საპასუხოდ განაცხადა.

„სტრატეგიული განვითარების დოკუმენტში, რომელიც ჩვენ შევიმუშავეთ, იყო ერთ-ერთი სტრატეგიული მიმართულება, რომ გადაგვეხედა საგამოცდო სისტემისთვის და მოგვეხდინა გარკვეული ოპტიმიზაცია. ამიტომ, ამაზე მუშაობა ტექნიკური თვალსაზრისით ჯერ არ დაწყებულა. 2016 წლისთვის ამის მოსწრება მე ვფიქრობ, არარეალისტური იქნება, თუმცა ჩვენ ვიმუშავებთ და შევხედავთ, როგორ წავა სამუშაო პროცესი. მაგრამ ოპტიმიზაცია მე ვფიქრობ, რომ აუცილებელია. იმან, რაც დაინერგა იმუშავა გადასარევად, ეროვნული გამოცდები იყო ერთ-ერთი წარმატებული რეფორმა, რომელიც განხორციელდა განათლების სისტემაში. მაგრამ იმის გამო, რომ ეს სისტემა არის მუდმივად განვითარებადი, ყველაფერს ჭირდება გადახედვა, ანალიზი და ოპტიმიზაცია. ოპტიმიზაცია იმ თვალსაზრისით, რომ ხომ არ შეიძლება, იგივე შედეგის მიღწევა ერთიანი გამოცდების სისტემის ჩამოყალიბებით, რომელიც არ იქნება გახლეჩილი სკოლის დონეზე, არ იქნება გახლეჩილი ეროვნული გამოცდების დონეზე. შესაძლებელია, რომ მოსწავლემ ჩააბაროს გამოცდები სკოლის დონეზე და ამ გამოცდების შედეგებით წავიდეს უმაღლეს სასწავლებელში“,-განაცხადა მინისტრმა.

თამარ სანიკიძის თმით, ოპტიმიზაცია ცალკე გამოცდებს ვერ შეეხება, ვინაიდან გასათვალისწინებელია დღეს არსებული დაფინანსების სისტემა, რომელიც პირდაპირ ებმის გამოცდებს.

„ერთადერთი, ჩვენთან პრობლემას წარმოადგენს ის, რომ დღევანდელ საგამოცდო სისტემაზე მორგებული არის დაფინანსების სისტემა, ეს თუ ერთნაირად არ შეიცვალა, მარტო საგამოცდო სისტემის შეცვლით დავარღვევთ უბრალოდ სისტემას და არ მივიღებთ იმას, რაც უნდა მიგვეღო. ამიტომ, საკითხი უფრო ფართო ჭრილში იხილება და 2016 წელს ვერ მოესწრება, თუმცა 2017 წლისთვის, მე ვფიქრობ, რომ გაკეთებადი იქნება. ეს დიდი რეფორმაა. დღეს არსებული სისტემა მუშაობს და ჩქარი ნაბიჯებით ძალიან ცუდი შედეგები შეიძლება დაგვიდგეს, ამიტომ, ეს არ არის ის თემა, რომელზედაც ჩვენ უნდა ვიჩქაროთ“,-აღნიშნა მინისტრმა. 

საქართველოს ახალგაზრდა ბიოლოგთა ასოციაცია

საიდუმლო იარაღი

ყვითელკოპლებიანი სალამანდრა (Ambystoma maculatum) ამფიბიების კლასს მიეკუთვნება. ბინადრობს კანადასა და აშშ-ში. იზრდება 10 სმ-მდე. მათი ემბრიონები სიმბიოზურ კავშირს ამყარებენ წყალმცენარეებთან (algae), რომელიც მათშივე ცხოვრობს.

კოპლებიან სალამანდრას თავდაცვის რამდენიმე მეთოდი აქვს: ფოთლებსა და ბალახებში დამალვა და გაშეშება, კუდის ავტოტომია (მოწყვეტა) და რძისებური სითხის გამოყოფა მაშინ, როდესაც აღშფოთებულია. ეს მომწამლავი სითხე (სეკრეტი) კისერსა და ზურგზე არსებული დიდი სეკრეტორული ჯირკვლიდან გამოიყოფა და იცავს მტაცებლებისაგან.

თუ მტაცებელმა მაინც შეძლო და სალამანდრას ფეხი, კუდი და, რა გასაკვირიც არ უნდა იყოს, ტვინის/თავის ნაწილი მოაჭამა, მას რეგენერირება ანუ აღდგენა შეუძლია. რა თქმა უნდა, ამას ძალიან დიდი ენერგია სჭირდება.

კოპლებიან სალამანდრას, სხვა სალამანდრების მსგავსად, რეგენერაციის ძლიერი უნარი ახასიათებს. მას კიდურების გარდა ორგანოების აღდგენის 

2015 – 2016 სასწავლო წლისთვის პირველკლასელთა რეგისტრაცია აპრილის ბოლოს დაიწყება

2015-2016 სასწავლო წლისთვის პირველკლასელთა რეგისტრაცია, შარშანდელის მსგავსად, აპრილის ბოლოს დაიწყება. ამის შესახებ განათლებისა და მეცნიერების მინისტრმა თამარ სანიკიძემ ბათუმში, Aris.ge-განათლების კითხვის პასუხად განაცხადა.

„რეგისტრაციას, ვფიქრობ, აპრილის ბოლო კვირაში გამოვაცხადებთ, ეხლა მზადდება გარკვეული დოკუმენტაცია და ვფიქრობ აპრილის ბოლოსთვის ყველაფერი მზად იქნება”,- განაცხადა თამარ სანიკიძემ.

განათლების მინისტრმა სასკოლო ასაკის განსაზღვრასთან დაკავშირებით „ზოგადი განათლების შესახებ კანონში“ ცვლილებების შეტანის თაობაზეც ისაუბრა. სანიკიძე საპარლამენტო უმცირესობის წევრის კობა სუბელიანის ინიციატივაზე პირველკლასელთა ასაკის განსხვავებული წესით განსაზღვრასთან დაკავშირებით აცხადებს, რომ აღნიშნულზე პარლამენტმა კიდევ უნდა იმსჯელოს.

„მე ვფიქრობ, რომ პარლამენტი კიდევ იმსჯელებს ამ თემაზე. იმედი მაქვს, რომ უფრო მეტად ჩავა სიღრმეებში და არ იქნება ზედაპირული დამოკიდებულება. ეს შეცდომა წინა ხელისუფლებამ უკვე დაუშვა და რა თქმა უნდა არ ვაპირებ გამეორებას. ძალიან ცუდი სტატისტიკა გვაქვს მოსწავლეთა სწავლის დონის შედეგებზე. ამიტომ, ის ნაბიჯი, რაც გადავდგით, მე რა თქმა უნდა მხარს დავუჭერ და თუ საჭირო იქნება ჩავალ სიღრმეებში, ნებისმიერს დავანახებ იმ საშიშრობას, რომელიც ასეთ შედეგებს ახლავს”,- აღნიშნა მინისტრმა.

მისივე თქმით, „სკოლამდელი აღზრდის პროგრამა“ აღნიშნული პრობლემის მოგვარების ხელშემწყობი იქნება.

„ეს არის პრობლემის გადაჭრის გზა. პროგრამა ხელს შეუწყობს, რომ სკოლამდელი ასაკის ბავშვები მომზადებულები შეხვდნენ სასკოლო პროგრამას. ჩვენ ვაპირებთ, რომ ამ კვირიდან შევთავაზოთ ინიციატივა.“

შეგახსენებთ, რომ მიუხედავად განათლების სამინისტროს მტკიცე პოზიციისა სასკოლო ასაკის 6 წელზე ქვევით არდაწევასთან დაკავშირებით, საქართველოს პარლამენტმა პირველი მოსმენით მიიღო კანონპროექტი „ზოგადი განათლების შესახებ“ საქართველოს კანონში ცვლილების შეტანის თაობაზე“, რომლის მიხედვით, ზოგადი განათლების დაწყებით საფეხურზე სწავლის დაწყების ასაკია 6 წელი. ამასთან, კანონპროექტის თანახმად, მშობლის სურვილის შემთხვევაში, ზოგადი განათლების დაწყებით საფეხურზე სწავლის დაწყების უფლება აქვთ აგრეთვე იმ პირებს, რომელთა ასაკი 5 წელს აღემატება და 6 წელი სასწავლო წლის დეკემბრის ბოლომდე უსრულდებათ

მე-11 კლასელთა გამოსაშვები გამოცდებისათვის რეგისტრაცია დაიწყო

2014-2015 წლის სკოლის გამოსაშვები გამოცდებისათვის (მე-11 კლასის მოსწავლეებისათვის) მოსწავლეთა რეგისტრაცია დაიწყო.

დასარეგისტრირებლად მიჰყევით ბმულს.

იქვე იხილავთ რეგისტრაციის ინსტრუქციას.

მოსწავლეთა რეგისტრაციას სკოლა უზრუნველყოფს.

2014-2015 სასწავლო წლის სკოლის გამოსაშვები გამოცდებისათვის მოსწავლეები სკოლებმა 14 აპრილიდან 30 აპრილის ჩათვლით უნდა დაარეგისტრირონ.

გალობა - გიხაროდენ ფრიად მშვენიერო ..

საგალობელი. ტკბილ ხარ შენ უფალო

საქართველოს ეკოსისტემები (VI კლასები)

ქიმიური რეაქცია და ენერგია

წითელი წიგნი

VI  კლასის მოსწავლეებისათვის
(ისტ-ის გამოყენება საგაკვეთილო პროცესში)  

მოსწავლეთა მიერ მომზადებული პრეზენტაციები 

წყალბადის მიღება

ექსპერიმენტი, X კლასი
18 მარტი. 2015 წელი

საქართველოს ეკოსისტემები

პროექტ–გაკვეთილი. VI კლასი
პედაგოგი: ნანა გიგოლაშვილი

მოსწავლეების მიერ მომზადებული პრეზენტაციები